Swimming Pool Design, Construction & Installation in Myanmar

ရေကူးကန်တစ်ခုဆိုတာ ရေဖြည့်ထားတဲ့ကန်တစ်ခုသာ မဟုတ်ပါဘူး။ လှပတဲ့ Design တစ်ခုနဲ့အတူ ရေကို သန့်ရှင်းကြည်လင်အောင် ထိန်းသိမ်းပေးနိုင်တဲ့ Filtration System၊ ရေကို လည်ပတ်စေတဲ့ Pump System၊ ရေဓာတုဗေဒ Balance နဲ့ ရေရှည်အသုံးပြုနိုင်အောင် မှန်ကန်တဲ့ Construction တို့ကို အတူတကွ စနစ်တကျ ဒီဇိုင်းဆွဲထားရပါတယ်။

အိမ်သုံး Residential Pool ဖြစ်စေ၊ Hotel & Resort Pool ဖြစ်စေ၊ Commercial Pool ဖြစ်စေ ရေကူးကန်ရဲ့ အမျိုးအစားနဲ့ အသုံးပြုမယ့်ပုံစံပေါ်မူတည်ပြီး Hydraulic Design၊ Equipment Selection နဲ့ Water Treatment System တွေကို သင့်တော်အောင် ရွေးချယ်ဖို့ အရေးကြီးပါတယ်။

ရေကူးကန်ဆိုတာ ဘာလဲ?

Swimming Pool ဆိုတာ ရေကူးခြင်း၊ လေ့ကျင့်ခန်းလုပ်ခြင်း၊ အပန်းဖြေခြင်းနဲ့ Recreation အတွက် ရည်ရွယ်တည်ဆောက်ထားတဲ့ ရေကန်တစ်ခု ဖြစ်ပါတယ်။ Pool တစ်ခုမှာ ရေကို စုပ်ယူခြင်း၊ စစ်ထုတ်ခြင်း၊ သန့်စင်ခြင်းနဲ့ ပြန်လည်ဖြည့်သွင်းခြင်းတွေကို ဆက်တိုက်လုပ်ဆောင်ပေးတဲ့ Circulation System တစ်ခု ရှိရပါတယ်။

ရေကူးကန်အမျိုးအစားများ

ရေကူးကန်တွေကို Design နဲ့ ရေပြန်လည်လည်ပတ်ပုံအပေါ်မူတည်ပြီး အမျိုးမျိုးခွဲခြားနိုင်ပါတယ်။ အသုံးများတဲ့စနစ်တွေထဲမှာ Overflow Pool၊ Skimmer Pool နဲ့ Infinity Pool တို့ ပါဝင်ပါတယ်။

၁။ Overflow Pool

Overflow Pool မှာ ရေမျက်နှာပြင်ကို Pool Edge နားအထိ မြင့်ထားပြီး ရေက Pool Edge ပေါ်ကနေ Overflow Channel ထဲကို စီးဝင်ပါတယ်။ အဲဒီရေကို Balance Tank ထဲမှာ စုဆောင်းပြီး Pump နဲ့ Filtration System ထဲကို ပို့ကာ သန့်စင်ပြီးနောက် Pool ထဲကို ပြန်လည်ပို့ပေးပါတယ်။

ဒီစနစ်က ရေမျက်နှာပြင်တစ်လျှောက် ရေစီးဆင်းမှုကောင်းပြီး Hotel၊ Resort နဲ့ အရည်အသွေးမြင့် Residential Pool တွေမှာ အသုံးများပါတယ်။

၂။ Skimmer Pool

Skimmer Pool မှာ Pool Wall အတွင်း Skimmer Box တွေ တပ်ဆင်ထားပြီး ရေမျက်နှာပြင်ပေါ်မှာ ရှိနေတဲ့ အညစ်အကြေးနဲ့ ရေတွေကို Skimmer ကနေ စုပ်ယူပါတယ်။ အဲဒီရေကို Pump နဲ့ Filter ဖြတ်သန်းစေပြီး သန့်စင်ပြီးသားရေကို Pool ထဲ ပြန်လည်ဖြည့်ပေးပါတယ်။

Residential Swimming Pool တွေအတွက် ရိုးရှင်းပြီး အသုံးများတဲ့ Circulation System တစ်ခု ဖြစ်ပါတယ်။

၃။ Infinity Pool

Infinity Pool ဆိုတာ Pool ရဲ့ အစွန်းတစ်ဖက် သို့မဟုတ် တစ်ဖက်ထက်ပိုတဲ့နေရာမှာ ရေမျက်နှာပြင် အဆုံးမရှိသလို မြင်ရအောင် ဒီဇိုင်းပြုလုပ်ထားတဲ့ Pool ဖြစ်ပါတယ်။ Overflow ဖြစ်လာတဲ့ရေကို Catch Basin သို့မဟုတ် Balance Tank ထဲ စုဆောင်းပြီး Filtration System မှတစ်ဆင့် ပြန်လည်လည်ပတ်စေပါတယ်။

ပင်လယ်ကမ်းခြေ၊ တောင်တန်းနဲ့ မြို့ပြအဆောက်အအုံတွေလို View ကောင်းတဲ့နေရာတွေမှာ Infinity Pool Design ကို အထူးအသုံးပြုကြပါတယ်။

ရေသန့်စင်ခြင်းနှင့် Filtration System

ရေကူးကန်ရေကို ကြည်လင်သန့်ရှင်းအောင် ထိန်းသိမ်းဖို့ Filtration System က အရေးကြီးပါတယ်။ Pool ထဲက ရေကို Pump နဲ့ စုပ်ယူပြီး Filter ထဲကို ပို့ပေးကာ ရေထဲမှာပါလာတဲ့ ဖုန်မှုန့်၊ အမှုန်အမွှားနဲ့ မလိုအပ်တဲ့ အညစ်အကြေးတွေကို Filter က ဖယ်ရှားပေးပါတယ်။

Filter ဖြတ်ပြီးတဲ့ရေကို Pool ထဲ ပြန်လည်ပို့ပေးတဲ့အတွက် ရေက အမြဲလည်ပတ်နေပြီး ရေ၏ ကြည်လင်မှုနဲ့ အရည်အသွေးကို ထိန်းသိမ်းပေးနိုင်ပါတယ်။ Pool Size၊ အသုံးပြုသူအရေအတွက် နဲ့ လိုအပ်တဲ့ Flow Rate အပေါ်မူတည်ပြီး Filter Size နဲ့ System Capacity ကို ရွေးချယ်ရပါတယ်။

ရေကူးကန် Pump နှင့် Filter

Pool Pump က ရေကို စနစ်တစ်ခုလုံးအတွင်း လည်ပတ်စေတဲ့ အဓိက Equipment ဖြစ်ပါတယ်။ Pump ကို ရွေးချယ်တဲ့အခါ Pool Volume တစ်ခုတည်းကိုကြည့်ပြီး ရွေးလို့မရပါဘူး။ လိုအပ်တဲ့ Flow Rate၊ Turnover Time၊ Pipe Size၊ Pipe Length နဲ့ System Pressure Loss တွေကိုပါ ထည့်သွင်းတွက်ချက်ရပါတယ်။

Filter ကိုလည်း Pump ရဲ့ Flow Rate နဲ့ ကိုက်ညီအောင် ရွေးချယ်ရပါတယ်။ Sand Filter၊ Cartridge Filter စတဲ့ Filter အမျိုးအစားတွေကို Pool ရဲ့ Design နဲ့ အသုံးပြုမှုအလိုက် ရွေးချယ်နိုင်ပါတယ်။

ရေဓာတုဗေဒ Balance (Water Chemistry)

Pool ရေက ကြည်လင်နေတာတစ်ခုတည်းနဲ့ ရေအရည်အသွေးကောင်းတယ်လို့ မဆိုနိုင်ပါဘူး။ ရေထဲမှာ pH၊ Sanitizer နဲ့ အခြား Chemical Parameters တွေကို သင့်တော်တဲ့အဆင့်မှာ ထိန်းသိမ်းထားဖို့ လိုအပ်ပါတယ်။

Water Chemistry ကို မှန်ကန်စွာ ထိန်းသိမ်းပေးခြင်းက ရေကူးသူတွေအတွက် သင့်တော်တဲ့ ရေအရည်အသွေးရရှိစေပြီး Pool Equipment နဲ့ Pool Finish တွေကိုလည်း ရေရှည်ကာကွယ်ပေးနိုင်ပါတယ်။

ရေကူးကန်တည်ဆောက်ရာတွင် အရေးကြီးသောအချက်များ

၁။ Design နှင့် Pool Type

မြေနေရာ၊ အသုံးပြုမယ့်သူအရေအတွက်၊ Architectural Design နဲ့ Budget အပေါ်မူတည်ပြီး Overflow၊ Skimmer သို့မဟုတ် Infinity Pool စနစ်ကို ရွေးချယ်ရပါတယ်။

၂။ Hydraulic Design

Pipe Size၊ Flow Rate၊ Pump Capacity၊ Filter Size၊ Suction Line နဲ့ Return Line တို့ကို စနစ်တကျ တွက်ချက်ဒီဇိုင်းလုပ်ရပါတယ်။ Hydraulic Design မှန်ကန်မှသာ Pool ရေ လည်ပတ်မှုကောင်းပြီး Equipment တွေကို ထိရောက်စွာ အသုံးပြုနိုင်မှာ ဖြစ်ပါတယ်။

၃။ Structure နှင့် Waterproofing

Pool Structure၊ Waterproofing နဲ့ Finishing Work တွေကို အစကတည်းက သေချာစွာ စီမံဆောင်ရွက်ရပါတယ်။ Construction အဆင့်မှာ အားနည်းချက်ရှိခဲ့ရင် နောက်ပိုင်းမှာ ရေယိုစိမ့်မှုနဲ့ Maintenance ပြဿနာတွေ ဖြစ်ပေါ်နိုင်ပါတယ်။

၄။ Equipment Selection

Pump၊ Filter၊ Sanitization System၊ Lighting နဲ့ အခြား Pool Equipment တွေကို Pool Size နဲ့ အသုံးပြုမှုအလိုက် ရွေးချယ်ရပါတယ်။ Equipment ကို အရွယ်အစားမကိုက်ဘဲ ရွေးချယ်ခြင်းက စွမ်းအင်အသုံးပြုမှုနဲ့ ရေသန့်စင်မှုအပေါ် သက်ရောက်နိုင်ပါတယ်။

Residential၊ Hotel နှင့် Resort Swimming Pools

Residential Pool တွေမှာ မိသားစုအသုံးပြုမှုနဲ့ သင့်တော်တဲ့ Size၊ Design နဲ့ Maintenance ကို အဓိကထားရပါတယ်။ Hotel နဲ့ Resort Pool တွေမှာတော့ အသုံးပြုသူ ပိုများနိုင်တဲ့အတွက် Circulation Capacity၊ Filtration၊ Water Treatment နဲ့ Maintenance Access တွေကို ပိုမိုဂရုစိုက်ပြီး ဒီဇိုင်းဆွဲရပါတယ်။

Omni Flow System Co., Ltd. သည် Residential၊ Hotel၊ Resort နှင့် Commercial Swimming Pool များအတွက် Swimming Pool Design၊ Equipment Supply၊ Installation၊ Commissioning နှင့် Maintenance လုပ်ငန်းများကို ဆောင်ရွက်ပေးပါသည်။